السلام الداخلي بوجهة نظري

Dr Nour Marshaha

امبارح نشرت بالستوري موضوع السلام الداخلي الي بخليك ما تقارن حياتك مع حدا ولا تنبهر بأي شي لانو جمال كل شي منشوفو في باطنه شيء خفي ويمكن لما توعى بحياتك أكتر بتصير تبطل تحكم عالناس من ظواهر أمورها أو تنبهر بأشياءها الي تعمدوا يظهروها الك ويطلعوك عالجانب الجميل فقط بحياتهن،،، جمال الصور يبقى وبتبقى الضحكة مرسومة لو كان صاحب الصورة بعد فترة ممكن بظروف معاكسة ،، لو تعمقنا في حياتنا رح نشوف انو كلنا منمر بالفصول الأربعة فيها ،،، وكلنا منضحك منبكي مننحرم مناخد منعطي وكلنا منمر بنفس التناقضات بنسب مختلفة ،،، بس الي لازم نفهمه كلنا انو مافي مخلوق ع وش الأرض كانت فصوله كلها ربيع ،، لهيك خلينا نكون واقعيين بهالزمن الافتراضي ونعيش حياتنا بكل فصولها وما ننبهر الا بجمال الوعي الي عم يزيد فينا ،، بجمال الانجاز او الابتكار الي عم نقدمه ،، وح ناخد وقت مافي شي بولد بين يوم وليلة كلو اله فترة ورح يمر بمخاض والم لينولد ويطلع شي جديد مبتكر خلاق ،، اما الفقاعات والانجازات الي بتتولد من صورة بتحسسك انو يا لطيف هالانسان قديه عظيم تأكد تماماً انو وراها اخفاقات اعظم وتناقضات لا يعلم بها الا من تعجل في ابهارك بشعور الانجاز لديه ،،، بدك تنجز!! بدك تعيش!! بدك تحقق كل شي !!!بنصحك تعطي كل ذي حق حقه بنصحك تعطي لنفسك الوقت والجهد الكافي لتحتفي بالنجاح بالوقت اللااااااازم ورح تاخد وقت صدقني وتذكرررررر مافي حدا محقق السعادة الا الي عنده السلام الداخلي واليقين التام انو لن يصيبنا الا ما كتب الله لنا وكل ما تألمت أكتر كل ما تعلمت أكتر ،، ولا تفكر حدا وصل هيك بسهولة ،، الي وصلوا بسهولة رح يوقعوا بسهولة كمان ،،، بس الي عم يحفروا دربهم ويقطعوا شوكهم بإيدهم هدول ما رح تسمع عنن الا بعد وقت وبعد ما يكون انجازهم حكي عنهم ،، لا تعمل لينقال عنك عملت ،، اعمل لانو انت مسخر الكون كله الك لتعمل ،،بالصبر واليقين والتسليم رح توصل . . #خربشات_نور#خربشات_قلمي#شو_بفكر#كيف_بحس#دكتورة#أسنان#حياة#ألم#أمل#سعادة#وقت#انجاز#سلام